إزاى تخون

إزاى تخون

إزاى تخون إللى حبك وحلفت تبقى ليه
معقول تبيع قلبك وتضحك عليه
والناس تقولك حرام تقول وأنا ماليه بيه
إزاى بالليل بتنام وسايب دموع فى عينيه
فى العذاب تدفنو ومن المر تسقيه
معقول قلبك ده قلب ! والله يتشك فيه
سنين بتفرح وعايش زى الملاك
 كل الناس حباك وإللى بتعوزو بتلاقيه
أخرتها جاى تجرح واحد عايش جواك
طب قوللى جرحت ليه

إدفن شبابك وإقتله وموت الإحساس
وإبقى فى يوم حن له وإبقى إشترى الإخلاص
ده الحب لو بفلوس تجرى عليه الناس
وإللى عالقلوب بيدوس هيجيلو يوم ينداس
إزاى هتكبر بيتك وتعلى وهوه مالهوش أساس

إدفن شبابك يا خاين وإجرى ورا الأوهام
وبكره هترد الدين للداين وتقوله عاوز كام
بس هتدفع كتير من الجرح والأحزان
ده علشان تلاقى الخير لازم تزرع أمان

إفرح يومين وإتهنى وإلعب وعيش
وقول عايشها جنه وإعمل متعرفنيش
جرحك هقوى عليه ده الجرح ميهزنيش
وإنتى ياعينى عليك هتشوف من الدنيا طلطيش
هتعد مين حواليك هتلاقى مفيش
هتلاقى ناس عارفاك زيك بتبيع مبتشتريش

الدنيا لو غرتك صدقنى مش هتدوم
طب هاتلى واحد جرح وإرتاح ضميره فى يوم
حتى إللى عايشها فرح لازم يلاقى هموم
صدقنى دى الحقيقه يابو الضمير معدوم
لو وقت الظلم دقيقه العمر للمظلوم