الحب كان فكره

فراق...دى إللى جات على بالك
فراق... كلمه بتحلاالك
الحب كان فكره.. هتمحى من قلوبنا حجات بتتعبنا
وتنسينا الذكرى
الحب كان فكره... قولت هكبرها
وياكى مهما يجرى
ده إنتى واحده لو راحت لغيرى هستخسرها
حاولت فى كل يوم أحسسك بيا
فى إحساسك بقيت مصدوم
مش لاقى إللى يشدك ليا
جربت أزرع فى قلبك الحب والغرام
وكان الزمب زمبك الحب يطرح أوهام
بعدتى وأه يا قلبك كان نفسى يدوم الكلام
الحب كان فكره هتكبر بالعشره
مش بعد يومين هتموت
طب خلى قلبك يحلم وبلاش كلام يصدم
كل إللى سمعته سكوت
معدش فيه نصيب ولا ينفع حتى نظره
لو كان قلبك حبيب ف الحب كان فكره ..

قرب حبيبى

قرب حبيبى ♥
قرب حبيبى خدنى للدنيا الجميله
خدنى لليالى العشق والفرحه الكبيره
إمشى معايا طريق الفرح طمنى
وإلمس بإيدك قلبى إللى خدتو منى
قيد الشموع الليله عيد
قيد الشموع عمرى بيك إبتدا من جديد

قرب حبيبى ع الجنه ودينى
خدنى ف إيدك ع البر رسينى
حبك فى قلبى شىء كبير
والحب ده لواحده مكفينى
ملاك وكل حاجه فيك بتسحرنى
معاك لقيت الحلم إللى تاه منى
بدعى عشانك وتبقى جمبى والفرح تلقاه
ده إللى فى حنانك ميتلقاش تانى فى الحياه
قرب حبيبى الحب بينادى
أحلام حياتنا هتبتدى فى البيت ده م الليلادى ...