كل نهضه وإنته طيب

كل نهضه وإنته طيب ياا راجل يا طيب
قال إيه واقفين ليه هوه إنته منهضتوش
ننهض ليه وعلى إيه دى النهضه طلعت فنكوش
لزوم الزواقه والحركات
وكانت أصلااا ضمن الشو والإعلانات
نوع من الدعايا على غلاف المجلات
شعار مزيف من ضمن الشعارات
ضحك ع الدقون والشعب نايم من الساقعه
طلعولنا م السجون عشان يوقعونا حتة واقعه
كل نهضه وإنته بخير وبعوده النهضات
ونسمع كلامهم نحس بحجات
دول عملو م الفسيخ شربات
وكلام متزوق من بتاع ولاد الزوات
مشروعنا ده مشروع خطير
بنخطط ليه من أيام عصر البشوات
مشروعنا ده فكرة 100 عالم مإللى لابسين نضارات
علم بس على رمز الميزان وليك الأجر والحسنات
أدينا علمنا يا سيدى ورينا فين الإنجاازات
طلعولنا شيووخ على ناس تانيين
إشى حازمون على سلفيين
وبيأيدو أى قرارات
ياعم إنته فاهم بتأيد فى إيه
طب إنته عارف بتهتف ليه
يرد يقولك شرع الله
مهو إحنا مؤمنين وعايزين الشرع وعايزين الدين
وعايزين نبنى دوله فيها حياه
هوه إنته هتخالف ياعدو الله
رئيسنا الملاك إللى جاى م السما
يسمع نداك يلبى الندا
وكلمة السر وااه مررسااه
طب ووووواه مرساااااه
وتطلع فتاوى وتطلع بلاوى وإللى يعارضو جهله وكفار
وفى الإستفتاءات إحشد وهات
قول نعم تخش الجنه هتقول لاء هتخش الناررر
حلل وحرم على كيفك وقول
دفع وغررم ده ياما دقت ع الروس طبول
طب خد لما أقولك
طورت الزراعه؟؟.. جددت الصناعه؟؟
طب نشطت السياحه؟؟
ليه كل همك قفل المواقع بتاعة الأباحه
عايز الصراحه
موت العيال عند القطر
وموت الرجال عند القصر
آدى الأباحه
فين الوعود بتاع الإنتخابات
فين النهضه وفين حق إللى مات
ولا إنتو كلامكو كان كلام إشتغالات
إهتف ياعم وهلل وصيح
ونافق يا شيخ وزيد فى التجريح
بس إنته عارف ده شعب صريح
لا بيهمو حد ولا بيهزو ريح
طول منا شايفك بتغلط مش هسكت وأكيد إنته عارف إنك غلطان
أصل إحنا شعب مينفعش نسكت مينفعش نبقى عبيد أوخرفان
إسمع لما أقولك وركب 100 سماعه
إنته مبتحكمش فى ملكك ولا ملك الجماعه
ده شعب بطبعو عنيد وثائر
ولا يهمو ظالم ولا حاكم جائر
فين البلد بقى ع الخريطه
ياخوفى البلد تلبس فى حيطه
وساعتها تقوم مصدر العبيطه
شغلها صح عشان تبقى صح
ومتنفضش إيدك وتقول معدش وبح
عارف اللى نازل بيتمنى الموت
ما يعرفش يسكت ده يموت م السكوت
فاهم كلامى ولا محتاج توضيحات
إعمل فى حسابك زادت الحسابات
طور ونضف وبلاش تانى تحلف
خلاص شبعنا ومينفعش نهتف
طول منا شايفك بتغلط مش هسكت وأكيد إنته عارف إنك غلطان
أصل إحنا شعب مينفعش يسكت مينفعش نبقى عبيد أو خرفان..

********************

لو كنا ضلينا الطريق

طول الحياه مستغربين
هوه إحنا ليه عايشين
من يوم ماكنا صغيرين
نفس الدموع فى العين
كام حلم راح قدام عينينا سيبناه يموت
كُتر الجراح علمت فينا ومش قادرين لسه نفوت
لو كنا ضلينا الطريق لو توهنا فى السكه
يجرح حبيب يجرح صديق ماتت خلاص الضحكه
أكيد فى حل وفى نجاه
مش ده إللى ياما حلمنا بيه مش دى الحياه
دور من تانى ده فيه بديل
لسه جاى العمر الجميل
عمر الحياه ماهتنتهى ويتحكم فينا إنسان
نفس الوشوش نفس الملامح نفس المكان
وكل يوم بنسأل ليه ما بطيبش الجراح
دور على حد يمدلك إيدو
قبل الدموع قبل الهموم ما يذيدو
دور على حد يعوضك كل إللى راح
ياما إنجرحت وقولت إنتهيت
ضهرى إنحنى من كتر ما آسيت
بس الأمل عايش عليه
ده ليا رب وعشمى فيه
عمرى ما إتمنيت أموت مش دى النهايه
طول ما فيا نبض وليا صوت هعيش الحكايا
هرسم بإيدى الضحكه لو حتى كانت ع الورق
همشى زى ماتيجى فى أى سكه
أصل إللى جاى أهون م العمر إللى إتسرق
مليون حكايا فى قلبى وقلبكو
إيدى بتتمد لأى حد منكو
أصل الحياه رحله فيها دموع وفرحه
ووشوش حلوه ومسامحه
لو كنا مشفناش منها غير الوش الخشب
يبقى العيب فينا مفيش داعى للعجب
إنسى القلوب الجارحه ولون الأيام
إقلب خلاص الصفحه وإروى عطش الأحلام

إنسى القلوب الجارحه ولون الأيام
إقلب خلاص الصفحه وإروى عطش الأحلام..

ماااااااااااات

ماااااااااااااااات
مات إللى كنتى بتموتى عليه وقت جرحو

مات إللى كانت فرحتك بتبقى يوم فرحو
مات على إيديكى الجدع الطيب الأمير
مات لما إتخدع فيكى وماتت معاه حجات كتير

ظلم الدنيا كله فى كفه وظلمك يوزن أتقل جبل
دارت بيا الدنيا بعدك كام لفه وضاع معاكى الأمل
حلم السنين والعيون المفتحه
والجرى فى الشارع وسط البنات
بقت إنهارده أحلام متجررحه
بقت ماضى ضايع حتى الماضى مات
مااااااااااااااات
مات إللى دمعة عينو هزت قلوب الحجر
مات إللى عاشلك سنينو وكانلك دنيا وبشر
مات إللى قالك بحبك وحطك مكان القمر
ماااااااااااات
كان نفسى قبل ما أموت أشوف فى عينيكى لو دمعه
كان نفسى أصرخ بعلو الصوت وألائيكى حاسه وسامعه
كان نفسى تبقى شاريه لو حتى يوم واحد
لو كنتى بيا داريه ياه... يا خساره قلبك الجاحد

كل القلوب إتوفقو إلا إللى حب بإحساس
وقلوبنا إحنا إتفرقو مابين قلوب الناس
بعتى القضيه ببلاش بعتيها بالساهل
إديتى إللى مايسواش علشان يموت إللى يستاهل
وأهو ماااااااااااات
مات الحب فى عيون الغدر والأنانيه
مات القلب علشان تعيشى وتفرحى فيا
دمعت كل العيون علشانى دمعت بكل مراره
وضحك قلبك الظالم الأنانى يا خساره يا ألف خساره

أحزن ولا أرتاح وأنسى إللى كان منى
أدوس ع الجراح ولا أسيب الجرح يألمنى
مليون سؤال بسألو كل يوم لصورتك
قلبى ليه تقتلو ليه ع الدنيا إستكترتو
مليون سؤال ومفيش إجابه
وبينادوكى لسه بالملاك
عارفه يليق عليكى إسم الكدابه
ويخسر إللى يرضى يعيش معاك
آدى البيبان مفتوحه والفرحه أهيه قصادى
بكره تجيلى مجروحه وأضحك على ده ماضى
قلبى إللى يوم إنكسر من قلبك وبات مظلوم
لو بعدك كان خسر يمكن ده كان موهوم
فتحت عينى لقيت أحلى حياه قدامى
هبدأ وهبنى بيت مفيهوش خداع تانى
وبكره بيتك هيتهد علشان إتبنى على باطل
أصل إللى ميحلمش ع القد عبيط أوى وجاهل
عبيط أوى وجاااااااااهل ...
************************************************

طعم العسل مـُـــــر

خليكى باصه فى الأرض
ده أقل شىء تعمليه
ظلمك مكنلوش حد
الله لايسامحك عليه
أيامى الحلوه معاكى بخاف أحلم بيها
كل إللى بفتكره من هواكى اللحظه إللى بعتينى فيها
قولتى إللى بينا كلام خلاص راح وإنتهى
والعشره والأيام فات وقتها
أنا نسيتك وإنته إنسانى وإنسى إننا نرجع تانى
والحكايا ده حلها
مخبيش عليكى أخدت مقلب فيكى وفى الدنيا كلها
بعد الحكايا ماخلصت خلاص
فكرت فى مشاعرى وإحساسى والإخلاص
إزاى كل ده ميتقدرش. فيه حاجه غريبه مفهمتهاش
أنا إللى كنت عاملك سعر وإنتى من غيرى تتباعى ببلاش
أنا كنت فارق أوى معاكى
علشان أنا إللى عليتلك هواكى
علمتك تحبى وتسهرى الليالى
وقولت على قلبك كبير وغالى
منا إللى كبرته وأنا إللى غليتو
وأنا إللى عند السما خليتو
أنا إللى داق العسل من أول قطفه
وبعدى طعم العسل مــُـــر
وإللى دووقنى العسل لو إتكبر.يغور أو يخفى
هوه حــــُـر
مبقيتش هتفرق تخيب أو تصيب
عسل الحبايب من عسل الغريب
ورد الجناين بعد ما بينشف مبيبقالوش سعر
إفهمى طعم العسل بعدى بقولك مــــــُـــر
قلبك إللى مكنش فيه منو
طلع فيه أحسن منوو
يكش المظاهر هيا إللى بتـغــــُـــــر
عرفت قيمة قلبى وعرفت قيمة أهلك
وياعينى الزمب مش زمبك
مقدرش ألومك على جهلك
مقدرش أعاتب قليل المال لما إغتنى بعد فقر
مقدرش ألوم ع الرخيص لما يزيد ويغلى المهر
بقى إللى إرتوى من زمزم يروح يحضن أول بحر ؟!!
هعزرك يا كلب لما تشمشم لما تصحينى ساعة الفجر
أنا أسف علشان زهقت منك يوم
خلاص بقى ليك ألف عــُــذر
إنبح براحتك وجـُــر وتعالى عند شباكى وصيح
لا يوم هقولك إوعاك تـمـُــر ولا يوم هقولك بطل نبيح
أه يا سنين العمر مش نافع وياكى صبر
ألف رحله وألف مركب تايهه مش لاقيه بر
كل الأحلام بتتحطم من هوى الحب
بقى الكلام بيتزوق عشان كذب
بقينا نضرب بالكلاب مثل فى الوفى
وبالبنى آدمين مثل فى الغدر
طبعا مش هتفهمى حاجه م إللى إنكتبت
وإحتمال الرساله متكنش وصلت
بس المهم إنى راضى عن قلبى
إللى لا بيعرف يإذى ولا يضـُــر
وإنتى أكيد مش راضيه عن قلبك
ولا عن كم الــــشر
أصل المسأله وما فيها
حبة مبادىء عايش عليها
لا عمرى هفكر فى إنتقام
أو أتكبر وأقول أنا صاحب مقام
دايما ماشى فى طريقى
وعارف الحلال من الحرام
بدأت إللى بينى وبينك بكل إحترام
ولما إنتهت أخدت على نفسى مـُـعاهدة سلام
لا يوم هجرحك أو أطلع أى سر
وهعتبر قصة حًُبنا ممنوعه من النشر
أصل القصص الحزينه لا بتسعد ولا بتسـُــر.
أنا إللى داق العسل من أول قطفه
وبـــعدى طـــعم العــسل مـــُـــر
بقى إللى إرتوى من زمزم
يروح يحضن أول بحر

إللى كان بينا مكنش زى الموت
ده كان خيط مـُـنهار ضعيف
وخلاص إتقطعت كل الخيوط
وإزاى هيفرق ليل من نهار مع  قلبك الكفيف
خلاص شديتى أول فتله من الخيانه
وباقى الفتل هتكــــُـــــــر
بـــعـــدك
وقفت كل البنات عند بابى ومغمض عينى مش شايف
خايفين لا يضيع شبابى وإشمعنا أنا مش خايف
من إنهارده إللى فات قوانى مش هعمل حساب لحد
وكل يوم بسمع حكايات من أمى تقول وتعيد تانى
فلانه بنت فلان عودها قوى وشد
إلحق قوم وفوق...يأمه حبة هدوء
لسه فى عمرى كتير لسه الدنيا بخير
خايفه يفوتنى القطر هههههه
صعبان عليهم أنا ليه كان زمبه يحب ناس ماليها الغدر
يأخونا دى حكمة ربنا ونصيب مكتوب من أول العُمر
شايفه الناس بتعمل إيه
وشايفه نفسك عملتى إيه
إهربى من صوت الضمير
إهربى على حضن الغير
قلبك إللى رفرف كام سنه عندى
مبقاش خلاص بيطير
إمحى البسمه من عينى إقوى عليا إئزينى
وإمسحى لمسة إيدى من إيدك
وإمسحى من على كتفى دموع عينك
وإمحى من حياتك كل أثر
غربى فى الحياه وشرقى
وقدامك مليون فرصه تفرقى
هتعرفى أنا أبقى إيه وغيرى ده إيه
وتدوقى كل ألوان العذاب
وهتعيشى فى الحياه على أمل كداب
وهتعرفى قد إيه بيأسى ع الخاين
حكم القدر..
******************************
بقى إللى إرتوى من زمزم يروح يحض أول بحر ؟؟؟

حكايات

حكايات

كام واحده فى مكانى... عايشه حياتها تعانى
علشان إنسان أمنت له وإتخلى عنها فى ثوانى
زيى مليون حكايه...حكايات صعبه النهايه
حكايات حب وعذاب... ووعود فوق السحاب
فى أول الحكايا بنرسم ورد فى جناين
لكن فى النهايه بنرسم حبيب خاين
ياقلوب محناش لعبه
دى أيام الجرح صعبه
فى قلب من الحب ضاع
وقلب خان وباع
وقلب رسم الطريق مفروش أجمل حياه
وقلب كانت نهايته مجروح عايش مأساه

ياقلوب محناش لعبه
دى أيام الجرح صعبه
ده الجارح لو يجرب عذاب المجروح
كان ألف مره فكرقبل ما يغدر ويروح
بنبقى مغمضين سايبينها  للظروف
مبنبقاش حاسبين ده اللعب ع المكشوف
ياقلوب محناش لعبه
دى أيام الجرح صعبه..

الطفله

الطفله .

فكرتك دنيا وبحر واسع
لئيتك بين الدنيا وبينك فرق شاسع
مشيت فى سكتك زى الكفيف
بقول طيب وأقول حاضر بقلب نضيف
الطفله إللى كانت من كام سنه لابسه المريله
وكانت بتجرى وتلعب وترجع هدومها مبهدله
بقت إنهارده مشاء الله بتجرح وتبيع
الطفله إللى كبرت ومبقاش يهمها لو مين يضيع
البسمه إللى كانت جنه ع الشفايف
وتسحر قلوب إللى سامع وشايف
بقت نار بتحرق ووهم وسراب بعيد وزايف
القلب إللى سلمها وعاش مآمنها
وحلف بدينو لا يخونها ولا يظلمها
ما الطفله ياما حلفت بضفاير شعرها
مهى دى أغلى حاجه لواحده فى سنها
وقالت
هصونك وهوفى لأبعد حدود
والحب مش هيكفى ده إنتى معايا سر الوجود
م الطفله إتكلمت وخلاص إتعلمت تفك الضفاير
وبدأت تلمح وتخاصم وتجرح وتسيب قلبى حاير
كتبتلها بدموعى وحاميتها فى ضلوعى
وأخرة غرامى تخرج عن طوعى
يا طفله يامو العيون السمره
يامو الخدود الحمره
بتحمرر من الخجل
يا دايسه الوعود وناكره الوجود وبايعه الأمل
الحياه مش لعبه ومصيرها الملل
الحياه إبتسامه ودمعه وجزاء من جنس العمل
وياخوفى عليكى م إللى إتعمل
هتمشى فى سكتك سايئك غرورك
والكل هينكر محبتك وييجى دورك
فاكره اللعب إللى كسرتيها
فاكره الهدايا إللى هديتى الناس بيها
هيبقى آوانها وتكونى مكانها
لعبه جميله بس يا خساره الكل زهقان منها
**************************

شكرررا

شكرا على كل لحظة فرح فرحتها بسببك
شكررا على كل دمعة شوق دمعتها ليك
هما يومين عيشتهم كانو بمقام سنين
حبيتك فيهم وإرتحت لك وفرحت بيك
كان نفسى نكمل شويه
كان نفسى تصبر عليا
رغم الماضى وعذابو
قلبى مكنش فى حسابو
ييجى يحب جديد
شوفتك نسيت الألآم
صحيت على لسانى الكلام
حسيت كإنى فى عيد
لو سببتلك يوم زعل
سامحنى عاللى حصل
مكنش فى نيتى شىء
عبرت بكل سزاجه
وقلبى ماوصلش لحاجه
وإتقفل فى وشى الطريق

شكررا على كل كلمه حلوه قولتها ليا
شكراا على كل إبتسامه فررحت بيها عينيه
رغم إللى بينا مكملش
فرحت بيه ومنكرش
وكإننا عشرة سنين
هفتكرك ذكرى جميله
غاليه من الناس القليله
ليكى فى قلبى حنين.

شكرراً

*************************

سيبى قلبك

هتبنى ألف حاجز
هعديلك كل شىء
من الدنيا مبقيتش عايز
غير قلبك حبيب وصديق
قلبى إللى ياما داق من الناس غدر وأسيه
خايف قوى من الفراق وإنك تغيبى عليا
مبقيتش حمل جراح أو حتى حمل دموع
نفسى معاكى أرتاح وألقى لحياتى رجوع
هتبعدى عنى خطوه همشيلك ألف غيرها
حياتى قبلك مُــره وجمبك أكيد هتحلى

سيبى قلبك معايا ومتخافيش عليه
هيعيش أجمل حكايا وقلبى هترتاحى فيه
شايل حب السنين علشانك إنتى وبس
وعينيه متشوقين لأى نظره وهمس
بكره إللى جاى أحلى هتعيشى أجمل غرام
حب وحياه ورحله مليانا بالأحلام
سيبى قلبك سيبيه وإوعى تخافى عليه
ده هيبقى معايا طاير فارد جناحو لفوق
عمرى ماهتخلى عنك أو يوم مكنش جمبك
دايما هتلاقى روحى ليكى ماليها الشوق

سيبى قلبك ياعمرى ومتقوليش كفايا
ده ليكى كل عمرى ومعاكى للنهايا
إحساسك بقلبى إيه متخبيش عليه
قولى خلينى أفرح إنك بتحبيه
سيبى قلبك معايا ومتخافيش عليه
هيعيش أجمل حكايا وقلبى هترتاحى فيه.
***********************
 

الطبعه الأخيره

الطبعه الأخيره

الطبعه الأخيره من دموع عينيه
موجوده فى الأسواق والنسخه مجانيه
مليانا سطور عذاب
وكلام مهوش كلام
وفى أول الكتاب
الشرح والعلام
مليانا فصول لكل الأزواق
إلحق خدلك نسخه قبل ما تخلص من الأسواق
عندك فصل السعاده صفحه أو صفحتين
وفصل الجراح تقراه فى سنين
وفيه فصل الدموع وسطر الفرح
والقلب إللى عاش موجوع والحبيب إللى جرح
الطبعه الأخيره وألبوم الصور
هتلاقى حجات كتيره وفنون غدر البشر
ممكن تلاقى صاحبك بيغشك ليل نهار
بيخون فيك ويضحك وسائيك من المرار
فى الطبعه الأخيره هتلاقى دروس خصوصيه
هتلاقى حجات خطيره عن فن الأزيه
وإزاى تجرح وتبيع وتشوفك الناس ملاك
والغالى عندك يضيع وميفرقش معاك
انا جربت الحياه وعيشتها بمعانيها
بين اليأس والأه عمال أعانى فيها

حبة ورق متسطرين بالدموع والأنيين
والحبر بخط الإيد
الفرح مش باين ومش مكتوب
وصابر صبر أيووب
ولسه بشوف الحب بعيد
كانت حياتى كتاب متلون بالسعاده
وفجأه من غير أسباب ألاقى الحزن عاده
شيلت الهم ع الفاضى
صابر يادنيا وراضى
حظى وبختى كده
قصه بلا عنوان
مرميه فى كل مكان
عندك وهناك وهنا
بس الطبعه الأخيره
بتاخد فتره كبيره
وهيخلص وقتها
إللى بيخسر فى الأول
المكسب فى الاخر هيطول
ومش ندمان على اى حاجه خسرتها
والطبعه إللى جايه هشطب منها الدموع
وفى كل صفحه هكتب
جرح الحبيب ممنوع

جرح الحبيب ممنوع

********************

الحب لعبه

الحب لعبه

الحب لعبه غبيه... بتضعف المشاعر القويه
واحد بيخون ويكسب...والتانى بيعيش فى أسيه

الحب لعبه مؤلمه..إللى بيجرح بيعيش فى هنا
وإللى بيخلص...عمره بينقص...ويضيع كام سنه

الحب لعبه والفراق مكتوب فى النهايه
بتمشى أعمى مشتاق وتايه طول الحكايا
ومهما الفتره بتطول...الجرح فى الأخر زى فى الأول

الحب حلم جميل...وساعات بيبقى كابوس
ناس تضحى بعمرها فداه
وناس تبيعه بالفلوس..

********************

أصعب حكايا

قادره تعيشى بجد !!
وجسمك مفيهوش قلب
صدقينى خسرتى كتير
لما مات فيكى الضمير
وانا هفضل بردو أنا
إنسان ماليه الخير
أصعب حكايا عيشتها
كانت مرار وإتحملتها
وقولت أنا بين إيديا ملاك
قلبى إتوجع فى كل لحظه
وطول الحكايا مفرحش لحظه
كسبت كتير معاايا
خسرت كتير معاك
أصعب حكايا إنتهت
خانت وكذبت وصدقت
وقالت كمان محبتنيش
طب والسنين إللى إتقضت
حتى الدموع عينك بدت
قولى كمان مدمعتيش
إنكرى حضنى ودارى عينيكى
عمرى فى يوم ماهحن ليكى
ولو سألونى الناس عليكى
هقول أنا معرفهاش
مش ضعف منى ولا كره ليكى
ده أنا بردو هنكر لمسة إيديكى
منا مش هتباهى بخاينه متسواش
البعد عنك راحه ليا
مبقيتش أخاف أيامى إللى جايه
بس وحياتك لا تندمى كل يوم عليه
أصعب حكايا بإيديا انا هنهيها
وهحمد ربنا إنى خلاص مبقيتش فيها
وبكره هقابل اللى ينسينى
وإنتى خليكى ويا إللى هيبرد نارى فيكى
وبكره هتيجى تتمنى نظره من عينى

وإنكرى حضنى ودارى عينيكى
عمرى فى يوم ما هحن ليكى.
**************************

ملعون أبو الحب

لما قلبى بيفكر ... عقلى بيبقى مالهوش أى لازمه
ولما عقلى بيفكر... قلبى بيدوس عليه بالجزمه
ملعون أبو الحب.... إللى عامل فى حياتى أزمه
أحلام بحلمها ...وبتطلع أوهام
فى خيالى برسمها...وتدوسها الأيام
مبقيتش مستحمل...والزمب مش زمبى
لو عمرى ييجى من الأول...كنت قتلت قلبى
مبقاش يأثر فيا عذاب...مبقاش يهزنى دموع
إيه أكتر من جراح الأحباب
وسنين راحت من غير رجوع
محدش فى الدنيا دى صادق....وكلهم كدابين
بيكلموك عن المبادىء...وهما غشاشين
تايه فى الدنيا دى ونصيبى
أضحك حزين....أضحك حزين

الناس والدنيا والزمن... والخوف والأهات
تلاقينى بدفع التمن...وألاقى الحب مات
أصحاب دايما تغش...وأحباب بألف وش
وأنا بشرب من المرار وببكى عاللى مايستاهلش

كاتم دموع قلبى ... يمكن أيامى تعدى
وأفرح بقى ليله
بمشى الطريق معمى ...وألف إيد تمنعنى
مع إن الطريق نهايته... جراح صعبه وطويله

وأحلم ليه أنا ...وأقول ع الـمُــر هنا
بكفايا عذاب يا قلبى جراحنا هتزلنا
محدش حاسس بهمك...وبيقولو ولا همك
والحياه بتنعاش
بتموت طول الليالى ...وتقول ع الخاين غالى
لا فوق ده مايسواش

أحلام بحلمها ...وبتطلع أوهام
فى خيالى برسمها...وتدوسها الأيام
مبقيتش مستحمل...والزمب مش زمبى
لو عمرى ييجى من الأول...كنت قتلت قلبى

*****************************

ناس غريبه

بقابل ناس غريبه
قلوبهم مليانا طيبه
وألاقى أعز أحبابى
بيعاملونى مُعامله عجيبه
الطيبه الزايده لو عيب
ميزه فى نظر الغريب
وأنا طيبتى دى فى دمى.
لو كل الناس جرحتنى
وبأبرد سكينه دبحتنى
مش هغير شىء
إتعودت عليه من صُغر سنى
لو كل يوم هبات
ببكى من سُكات
دموع الظلم أكرم لى
وإيه يعنى أبات مظلوم
أنا أقوى بالإحساس
والحب والإخلاص
وإللى إنظلم أكيد
حقه هيرجعله فى يوم
عمر الإحساس ماكان زمب
ياقلوب بتموت من الحب
الحب هيعيش هيعيش
ناس بتتباهى بالخيانه
قلوبهم عليله تعبانه
ومن ربها مبتختشيش
وإنته يا ملاك يا طيب
الفرح مستنيك
داوى قلبك وطيب
والحب لو يوم جالك
قوام مدله إيديك
 

مات قبل ما يعيش

قلبى إللى طول عمره حزين... حزين
تايه وسط الناس ... مع التايهين
لا فى يوم الفرح دق له باب
أو إرتاح من العذاب
والصبر ضاع ويجيبو منين...منين

كل يوم أحلام يعليها...جرح الزمن يرميها
وبينزل على مفيش...ينزل على مفيش
القلب الطيب إللى كان...الحب ليه عنوان
مات قبل ما يعيش... مات قبل ما يعيش

*************************

حبيت من جديد

حبيت من جديد والحياه ماوقفتش عليكى
قلبك أجمد م الحديد وتبيعى أعز ماليكى
 وأنا مش ندمان على أيامك أصلى إتعلمت
لو كنت توهت فى أحلامك فأنا منك فوقت
ولو ليه مكان أو ذكرى إنسيها دلوقت

حبيت من جديد وإتعوضت لياليكى
حبيت من جديد والحياه م وقفتش عليكى
حبيت من تانى ومش هيفرق جرح معايا
 قلبك سابنى ورمانى وقالى خلاص كده كفايا
ماشى بكفايا ده إنتى الخسرانه
وبكره توصلى للنهايه وترجعى ندمانه
حبيت واحده زى القمر و إنتى طلع فيكى كل العبر

قلبى البرىء الطيب هيفضل للقلوب طبيب
ولو الطريق طول مش هندم وهقول قسمه ونصيب
همشى مع الإنسانه إللى إخترتها
وياحزن خلاص إنسانا والأفراح دى وقتها

ماضى ....... ما يغور الماضى
راضى...... راضى ببنت بلادى
الدنيا لو ضحكتلى...أموت أسير الضحكه دى
الحزن لما هينسانى أكيد هيفتكرك
القلب إللى عاش أنانى والحب إللى مات بغدرك
عمرى ماضيع بين يأسى وعذابى
دى كل حاجه بتاخد وقتها
لو بنيتى سعادتك على حسابى
 الفرح فى أيامك  قولى عليه إنتهى

وإللى أنا حبيتها... ولقيت دنيتها
دى ست ستك وليها معزتها
هتاخد قلبى إللى إنتى خسرتيه
وبكره هتتمنى لو بعمرك تعوضيه
حبيت واحده زى القمر
 وإنتى طلع فيكى كل العبرر

************************

شىء طبيعى

شىء طبيعى

مهو شىء طبيعى... أحب بعدك وإنتى تضيعى
مهو شىء طبيعى
ألاقى إللى يداويلى جروحى
وإنتى تلعنى اليوم...إللى فكرتى فيه تبيعى
هتجيبى إللى صان... زى إللى خان
لا مش طبيعى
أيوه هعيش الرحله...من غيرك أحلى وأحلى
وقابلينى لو عرفتى تعيشى
أيامك إللى جايه ليل...متلونه بالويل
مرسومه بالعذاب
الجرح هيبقى 100 ...حياه زى الموت وهيا هيا
وده أقل درس.. لقلبك الكداب
صدقينى ... بكره هتتمنى نظره...أو إنك تلمحينى
صدقينى بكره تحسى بقيمتى...وتقولى ده كان أغلى الأحباب

أنا إنهارده بعيش حياتى... فرحان بإللى وصلت ليه
دايس على كل لحظه فى ذكرياتى... ناسى كنت بالنسبالى إيه

والملاك إللى واقفه جمبى...ملكت كل قلبى
ليها دين فى رقبتى..مهى سر الفرحه وسعادتى
بكره أعيش فى الجنه...من غير ما أحلم أو أتمنى
وهتدوق طعم حنانى..هتعيش فى ربيعى
مهو شىء طبيعى....أحب بعدك
وإنتى أكيد تضيعى.

أحكى للدنيا عليكى

عاوز أحكى للدنيا عليكى
قد إيه طيب قلبك وقدإيه بريئه عنيكى
عارفه بجد حبيتك
وكمان خايف تروحى منى
ياما فى أحلامى إستنيتك
وكانت دموعى بتحضنى

القلب إللى واقف قدامك ياما إتظلم من الناس
ونفسو يبقى حاجه فى أيامك وبيوعدك بالإخلاص
أسف عشان إنتى مش حُبى الأول
لكن يا حبيبتى هيبقى حُبى الأجمل
مهو كله كان نصيب
وبجد شوفت العذاب
لكن حُبك مش هيغيب
هسد عليه الباب

متضحكيش على كلامى ده بجد أصدق كلام
ولو حكيتلك غرامى مش هيكفينى أياااام
يللا بقى قوليهالى خلى الحياه تحلاالى
وأفرح زى باقى الناس
قلبى إللى صدى وإتهان
حاسس فى عينيكى الحنان
وعمرى ما كدبت ده الإحساس

أنا مستنى وأملى فيكى كبير
ولما بقى هتحنى هفرد جناحى وأطير
هتلاقى حب مفيش منو
هتلاقى قلب كله ضمير...

يا رب أنا راضى

يارب
فيه ناس لو غابت طول العمر ماتتنسيش
وناس تدخل فى القلب وجواه لازم تعيش
وناس فى ثانيه بتتمحى وإتعملت من مفيش
ناس ذى الدهب مهما يمر الوقت
بتحفظ دايما قيمتها
وناس نار ولهب بتنطفى فى ساعتها

الدنيا دى لعبه ومش مفهوم فيها شىء
فى عيون ناس صعبه وناس شايفاها لاشىء
فيها ناس عايشه بتوفى و عايشه بإخلاص
وناس تانيه بتجرح ومعندهاش إحساس
أنا يمكن أكون غلطان لكن عمرى ما جنيت
بدفع من دمى عذاب وألام علشان بجد حبيت

أنا فى الدنيا طير
بعامل االناس بضمير
نفسى فى حبة رضا من رب العالمين
لو ربى راضى عليه
هشوف الفرحه بعينيه
مش هبقى تانى حزين
ولو زعلان منى...يارب أرجوك سامحنى
الناس بتجرح فيا وجراحهم هموم حواليه
أنا بتمنى الفرحه وبتمنى ترضى عليه

حاسس إنى أذنبت فى حق نفسى وحياتى
ويارب خلاص توبت وهبدأ وأعيد حساباتى
حقيقى أنا ندمان ع العمر والأيام
إللى إنجرحت فيها
هوه عيب أعيش إنسان أوفى وأدى الأمان
وأندم فى الأخر عليها

على قد منا تعبان وشايل هموم وألام
برجع وأقول ربنا ما يرضاليش العذاب
يمكن يكون إمتحان يعدينى لبر الأمان
ومن تانى ألاقى  الأحباب
يارب أنا راضى ومسلم أمرى ليك
ومش ندمان ع الماضى ورامى همومى عليك
قادر فى يوم تفرجها وتموت كل الهموم
وألقى حياتى إتبدلت بين ليله ويوم
يارب أنا راضى ومسلم أمرى ليك
ومش ندمان ع الماضى ورامى همومى عليك.

************************

هات إيدك يا صاحبى

هات إيدك يا صاحبى أنا عارف إيه بيوجعك
ويللا إمسح دموعك وإتكلم وأنا هسمعك
ليك رب يعدلها لينا رب كريم
والأحوال يبدلها وبدل النار نعيم
الجرح مسيرو يتداوى
وتطيب كل الجروح
والحزن فى يوم هيتتاوى
وكل الهموم هتروح
لو بصيت للناس هتهون عليك أيامك
ده فيهم اللى إنداس وإللى يتمنى مكانك
وربنا عالم بيهم وقادر يأخد بإيديهم
بس ده درس مفيد ولازم يتعلموه
ولو الإيد فى الإيد الحزن هيبدلوه
بس ده درس مفيد ولازم يتعلموه
ولو الإيد فى الإيد الحزن هيبدلوه
وإنته يا صاحبى مجرد سطر فى الكتاب
فيه اللى شايل كام صفحه وعايش فى العذاب
عيشها وإرضى بيها...يمكن تهون لياليها
وإفتح للفرح باب

بكره الحق هيعود ده كما تدين تـُـدان
ده كل شىء مكتوب وبتلف الأيام
وإللى باع إنهارده يجيلو يوم يتباع
ولازم بنصيبك ترضى وتأمن بالوداع

عارف همك تقيل بس ده رب كبير
قادر على كل شىء لو كان حمل الجبال
بكره يبان الطريق وتقول صاحبى قال
قادر على كل شىء لو كان حمل الجبال
بكره يبان الطريق وتقول صاحبى قال.
**************

جايه الإبتسامه

أيوه جايه الإبتسامه
وفيه أماره وفيه علامه
وكل أحزانى هشيلها
وإللى راح مع السلامه
ماضى عدى مبكيش عليه
وإللى باعنى أعيش له ليه ؟
كل أيامى هعيشها
وإللى شالنى أشتريه
الهموم بتتكاوم عليا
والسبب دموع عينيه
والحياه حلوه مره
هيا مره مفيش إتنين
عمر عدى خلاص هسيبو
وكل واحد هيشوف نصيبو
ليه أكمل الباقى حزين

أيوه جايه الإبتسامه
وفيه أماره وفيه علامه
وكل أحزانى هشيلها
وإللى راح مع السلامه

حضن دافى  وقلب طيب
فى الحياه ياما هقابل
يمكن يكون جمبى وقريب
حد بجد  يستاهل
لازم أسعى وأشوف نصيبى
مش هموت من بعد حبيبى
والحياه ماشيه عادى
ليه هوقفها عند الماضى
لازم أبدأ من جديد لازم أبص لقدام
لازم أبقى فى يوم سعيد
وأبدأ من تانى الأحلام
بالتفاؤل والأمل... مهما حصل ولا إتعمل
مين هيقدر يمنع نصيب... وكل شىء ليا إنكتب
ربى عالم بإللى فيا... بكره لازم تضحك شويه
والحياه لو كانت جارحه... بكره هلقى أحلى فرحه
بكره هبقى ميه ميه
الحياه نعمه فى إيدينا
بيها تبقى فرحة عينينا
وكل ضحكه لما بنضحكها
أجمل هديه وأصعب أمانه
بس جايه الإبتسامه
وفيه أماره وفيه علامه
وكل أحزانى هشيلها
وإللى راح مع السلامه..

جرحك

جرحك

جرحك إللى بيقتلنى موت إحساسى بالفرحه
خلانى عايش على الهامش مجروح وإنتى إللى جارحه
ولما بشوفك فرحانه عينى ليه بتدمع
وإزاى على حبى ندمانه وظلمك بين الناس مسمع
اه لو تحسى طعم الظلم إيه
أكيد هتعذرى قلبى وإللى حاسس بيه
بموت من خنقتى وتعبان فى وحدتى
جوايا ميت هم طابق على نفسى
نفسى أصرخ بعلو صوتى
نفسى ينكسر سكوتى
وأعيش مره لنفسى

جرحك إللى بيقتلنى موت إحساسى بالفرحه
خلانى عايش على الهامش مجروح وإنتى إللى جارحه

مش هقولك إرجعى أنا بس عاوزك تسمعى
وتشوفى همى التقيل
شايل جوايا أوجاعى ..حزين وساكت بلا داعى
حياتى أهيه بقضيها ليل بيجرح ليل
بجد خلاص فاض بيا...ماشى والجرح ليه فيا
وأعيش أو أموت هيا هيا
مبقيتش تفرق عندى كتيررر
مخدوع والظلم حمله كبير
وناس عايشه من غير ضمير
حرررام يا دنيا ترمينا وكنا فى عينك نورر
حرام بشرب المر وأنا مجبور

بجد خلاص فاض بيا ...ماشى والجرح ليه فيا
وأعيش أو أموت هيا هيا
مبقيتش تفرق عندى كتيرر

بعشم نفسى

ليه أعشم نفسى بيك
وأنا عارف إنى مش ليك
كنت فاكرك زى الملاك
كنت بأخد من روحى وأديك
كل حاجه ندمان عليها
كل لحظه ببكى عليها
حتى لمسه إيدى لإيديك
من إنهارده مش هقول عليك غير خاين
أصل جرحى جوه قلبى معلم وباين
وأنا إللى عمرى مافكرتك تخون
كنت أقول حبيبى بيصون
أجمل ملاك فى الدنيا وأوفى واحد فى الكون
عارف ياللى كنت حبيبى
من إنهارده تحرم عليه كلمة حبيبى
تكسر قلبى تضيعنى
أشتريك تقوم تبعنى
والله حرام عليك والله حرام عليك
ليه أعشم نفسى بيك
وأنا عارف إنى مش ليك
ياللى كنت فى روحى مالك
وكنت مستوطن خيالى
كل جارح بخيانتو هالك
عمر الرخيص ما يبقى غالى
دى الخيانه بجد صعبه
عمر دمى مايبقى لعبه
عارفه إنته الموت كان أهون
إنى أعيش بعدك فى نعمه
كنت لما تغيب ثانيه
روحى كانت بتفارق الدنيا
ولما كنت تقرب منى
كنت بأخد الكون فى حضنى
تيجى إنهارده تبيعنى
بعد مشوار السنين تسيبنى
إنته قلبك ده إيه
هوه إنته أصلا عندك قلب
كل شىء ندمان عليه
إنسان مالهوش أى ذمب
عارف وحياة جراحى والعذاب إللى فيا
هتيجى يوم تتمنى قربى هتيجى يوم تندم عليه
الدموع هتموت فيك والعذاب هيعيش جواك
وأنا لازم أفرح فيك وفى إللى أخترته يبقى معاك
****************************

إهــــداء

إهداء

إهداء للى كسرت قلبى وداست عليه
إهداء للى علمتنى الحب وكرهتنى فيه
إهداء للناس إللى ماشيه فى الشارع
وإهداء للى عامل ودن من طين وودن من عجين
وإهداء لكل إللى حاسس وسامع
إهداء للى صان وإهداء للى خان
وإهداء للى إشترى فيا وباع
إهداء لحبيبتى إللى مبتحبش غير نفسها
إهداء لقبلى إللى بيعشق إسمها
إهداء لقلبها بعد الوداع
إهداء للأمانى وحبيبى الأنانى
ولكل الأمال
إهداء للغناوى وللشعر والحكاوى
إهداء لمصطفى كامل ولحماده هلال
إهداء للحكايات وللفرح إللى مات
وللقلم إللى بكتبو كل الأهات
إهداء لنفسى وأهى مره من نفسى
قبل ما تدق الساعات
إهداء للى وقفو جمبى فى عز العذاب
وإهداء للى باعو قلبى برخص التراب
إهداء للى دمع ف فرحى سنين
ولما كنت بموت منزلش دمعتين
إهداء للى ناسينى
وإهداء لدموع عينى
وإهداء لكل قلب حزين
إهداء للى حبيتها من قبل ماعرف إسمها
وإهداء للى باعتنى لما إتغرت فى شكلها
إهداء للعيون إللى فرحت قلبى
وإهداء للهموم إللى قطمت ضهرى
إهداء لناس معرفهاش كانو أحن عليا من روحى
وإهداء لناس أعرفها وكانو السبب فى جروحى
إهداء للقريب وإهداء للغريب
ولكل إللى شافنى وصلى عالحبيب
إهداء لكل الناس بأشكالهم وألوانهم
للى بيحبنى وإللى مبيحبنيش
إهداء للى باعونى ويحررق أيامهم
وإهداء للفرح إللى ميعرفنيش
مسيرك فى يوم تقابلنى بضحك
 وتبكى عليه بخنقه وديقه
وتكون إنته ماشى بهمك وجرحك
والفرحه معاك ما تزيدش عن دقيقه
بهديك كل حياتى قديم وجديد
بهديك عمرى إللى فات وعمرى الجديد
بس أنا عارف مصير الهدايا
وكل إللى ههديهولك معدش هيفيد
بجد إنته قلبك حديد فى حديد
يلعن سنينك ويلعن أبوك
يا ماضى قاتلنى وجارح فى قلبى
بكره تلائيهم فى قلبك خانوك
وإعرف  يا خاين إن ده هيبقى زمبى
****************

حكاية عصفوره

خطف العصفوره غـُــراب
عيشها يا ناس فى عذاب
ما العيب على العصفوره
رسمت بالوهم الصوره
ولونتها بالضباب
عصفوره كان أقصى حلمها
عش صغير تقضى فيه وقتها
بس طمع العصفوره
أساها خلااها مغروره
باعت قوام عشها
وجريت ورا الغراب علشان شجره مهجوره
لون الشجره عماها
نساها مين كبرها نساها مين علاها
وقف العصفور مستغرب
بيتفرج من بعيد
على عصفوره كانت لما تقرب
تقوله اليوم ده عيد
وقف العصفور حزين
على حب وعشرة سنين
وكان عمال ينادى ويقول هتروحى فين
ترد تقوله عادى فرقت معاك المره دى
وهعيش مع ناس تانيين
معرفش قصادها يتكلم
كفايا كان بيتألم
بس العصفور أهو كمل
وقابل عصفوره من الجنه
الصبر خلاه يتحمل
علشان ينول ويتهنى
ده إللى بيغدر ويخون
ويتلون بألف لون
أكيد هيجيلو يوم
ويدوق طعم الهموم
زى حكاية العصفوره
لما رسم بالوهم الصوره
باظت أكيد اللوحه
رجعت حزينه مجروحه
وبتندم عاللى فات
دى الناس بتبقى معميه
عن ناس صادقه ووفيه
ودى حكايا من الحكايات
حكاية العصفوره
أم الجنحات مكسوره..

**************

رخصتى من نفسك

رخصتى من نفسك ومعملتيش حساب إسمك
وطلعتى زى الشيطان مع إن الملاك وصفك
رخصتى من نفسك
وقليتى من قيمتك وضيعتى كل حاجه
وكرهتينى فى إبتسامتك
قليتى من قيمتك
ونزلتى من نظرى أنا كنتى فاكرنى فهمتك
وقولت حبيبة عمرى
رخصتى ليه قلبك وبعتى إللى حبك
والتمن كان رخيص طب يسوى كام عمرك ؟
أنا كنت بعمرى شارى وعينيكى كانت دارى
وأنا كنت ليكى أهلك
رخصتى من نفسك قليتى من قيمتك
بعتى سنين عمرى وعليهم سنين عمرك
طب تلقى فين قلبى لومهما طال عمرك

كان قدرى أكون ليكى حاضن دموع عينيكى
وإنتى تكونى نبضى وزى دمى تجرى
وأدى النهايه خاينه والعذاب قدرك
رخصتى ليه نفسك ودوستى على قلبك
أنا أسوى إيه عندك وليه أضيع بعندك
طب يسوى إيه دمعى ويسوى كام دمعك
مكسوف أنا من قلبى أقولو إيه عنك
وده يبقى إيه زمبى أضيع أنا بغدرك
رخصتى من نفسك وقليتى من قيمتك
زيك زى غيرك وبجد كتر ألف خيرك
وألف رحمه تنزل على قلبك
إسطوره فى الحب وإسطوره فى العذاب
قتلتى جوايا قلب كنتى ليه أغلى الأحباب
إسطوره كانت حكايه بتحكيها كل البنات
وأدى يا ناس النهايا قلب الجدع مات
بضحك على حزنى وبقوله هات كمان
زود أوى همى وإدينى من الأحزان
باع إللى كان فى دمى إزاى أدى الأمان
قدر إللى فرش الورود يموت من الأشواك
أوفى واحد فى الوجود إتخان من الملاك
نفسى أسمع كلامك وأنساكى وأعيش
بس إللى داق غرامك يحلف ما ينساكيش
وبردو إللى داق عذابك يفرح وما يشوفكيش
أدى يا ناس الطفله عملت للغدر حفله
وعزمت كل الجراح
بعد الفرح ما إنتهى لقيت الهموم وقتها
والحزن كان سفاح
بضحك على حزنى وبقوله هات كمان
زود أوى همى وإدينى من الأحزان
بعتينى وقبضتى التمن
تمن الخيانه وجراح الزمن
وياريت البيعه كسبانه أنا كنت ليكى فرحت !
لكن حقيقى خسرانه وعشان كده سكت
لما الكلام يوجعك سدى أوى ودنك
وإفتكرى محدش قدر يمنعك وإنتى بتخونى عمرك
رخصتى من نفسك قليتى من قيمتك
نفسى الكلام يخلص ويفوت بيا الزمان
كفايا قلبك عمال ينقص ويموت فيكى الحنان
هتدمعى على مين ده أنا هفضل الأغلى عندك
وإللى إستخسرتى فيه دمعتين هتخلصى عليه دمعك
مهما بعدتى بعيد أنا هبقى فى كل البلاد
واحد صوته كان أول حاجه تبدأى بيها العيد
وكان عندك زهرالولاد
يا خساره يابنت قلبى يا زينة البنات
قدرك تموتى فى قلبى وتعزينى الأموات.. *****************************************

إرجع لحضن حبيبك

فوق ضميرك فووووووق
قوله متبصش فوق

صالح نفسك ودور عاللى فى الأصل حبوك

إرجع لحضن حبيبك

عمره فى يوم ما يسيبك

هنسى إللى عملته وأفرح

وكل البيبان أنا هفتح

وهقول حبيبى ملاااك

عمره فى يوم ما بيجرح

راجع نفسك وشوف

وإقوى ع الظروف

إتعب يومين وإتحدى

بدال ما تعيش فى خوف

إرجع  لحضن حبيبك

حضنك أنا وطبيبك

ولو كنت فى يوم إسيت

صدقنى خلاص نسيت

أنا هبدأ بيك من جديد

عمرى ما هفكرك بجرحك

علشان حقيقى مسامحك

ورجوعك ليا عيد

إرجع لحضن حبيبك

عمره فى يوم ما يسيبك

هنسى إللى عملته وأفرح

وكل البيبان أنا هفتح

وهقول حبيبى ملاك

عمره فى يوم ما بيجرح

إبكى يا عينى

إبكى ياعينى
إبكى ياعينى خلاص معدش لينا حبايب
باعو الحب والإخلاص باعو القلب اللى دايب
دبلت ورود الهوا طفو كل الشموع
جرحو القلوب والدوا عنا بقى ممنوع

صحيت وفى عينى دمعه ومالقيتش حد جمبى
ببكى وحبايبى سامعه موجوع منهم فى قلبى
عمال أفارق عمال أسيب
وأعد باعنى كام حبيب
يبقو الجراح أبقى الطبيب
يكونو أهلى وأكون غريب
حتى حنانهم حرام وعيب
وإزاى بس راضى يا زمن عجيب

إبكى ياعينى كمان إللى إشتريته خان
وإبكى ياعينى  أحزان معدش فيه أمان
قلبى إزاى يعيش مع ناس مبيحسوش
إديت كتير ومفيش بيياخدو وميدوش
دنيا مش هقول غابه
دول أكتر من الديابه
قال إيه عايشين بمبدأ ويا سلام عالسزاجه
دول بحر والسمك فيه بيغرق ومبيحسوش بحاجه

بجد حرام عليكو أنا ياما راهنت عليكو
وأدينى خلاص ندمان
حسبت كتيروحسابى كان وهم وزاد عذابى
راجع وأنا خسران

بكره الحياه هتخلص جرحى قديم وجديد
وعذابى هيبدأ ينقص ويترد ليكو أكيد
الظلم والأحزان فتره وهتعدى
ولكل واحد خان الجاى ده كله وقتى
همسح بإيدى دموعى وهحنن علية الأيام
وهتبقى تحت طوعى حياتى وأداوى جرح الزمان
وإنتو هتشوفو ويل وحياتكو هتبقى ليل
ويخلص طارى منكو
مهما هتتجرحو قليل ده عذابكو مالهوش بديل
وبجد أنا نفسى أعرف إسمو إيه دينكو ؟؟

مش هيرجع

مش هيرجع تانى ليا
مهما تبكى عينيه عليا
مهما ييجى يقول سامحنى
مش هنسى إنو فى يوم جرحنى
مش هترجع تانى ليا
حتى لو هتموت قصادى
منا قلبى منك مات فيا
ومبقتش تفرق عندى عادى
ده إنته لو فتحت قلبى هتلائيك شيطان مخبى
البرائه والحنان
ده إنته ظلمك كان خطيئه والدموع دى مش بريئه
مهما تبكى إزاى هصدق وإللى شوفته معاك عذاب
كل جرح فى قلبى إتحقق صعب نرجع من جديد أحباب
مش هيرجع حبى تانى
للى باعنى وإللى رمانى
وإفتكر أيام عذابك لما جيت أدق بابك
لما يوم داريت دموعى والعذاب إللى فى ضلوعى
فاكر إنته قولت إيه
قولتلى نسيت هواك والسنين إللى كانت معاك
وإللى بينا ده كان كلام يعنى إيه حب وغرام
يعنى ترجع تانى ليه
طب كنت إإبعد من غير جراح
وإمشى سيب فى قلبى ذكرى
جاى إنهارده تقول سماح
وعايزنى أعيش وياك بكره

راجعلى تانى عايز إيه عرفتى قمتى تبقى إيه
راجعلى تانى عاي إيه عرفت قمتى تبقى إيه
وأنا كمان عرفت قيمتك
ومش ندمان علشان خسرتك
يبقى مش هترجع تانى
مهما قلبك يترجانى
مش هترجع تانى ليا حتى لو هتموت قصادى
منا قلبى منك مات فيا ومبقتش تفرق عندى عادى
**************

لا أرى لا أسمع لا أتكلم

لا أرى لا أسمع لا أتكلم
لكن بتجرح واتوجع وأتالم
إحساسى بإللى حواليه
مخلينى تعبان ومخنوق
دايما تبكى عينيه
عاللى سايبنى من الأحزان أدوق

لا أرى لا أسمع لا أتكلم
لكن بتعذب وأتعذب ومش عارف أتعلم
إحساس الخوف مالينى
واللى جاى أصعب وأصعب
حتى الظروف بتبكينى
فى الدنيا بتعب وبتعب

نفسى أرتاح وأغمض عينى من غير دموع
ليه مقضيها جراح وقلبى دايما موجوع
نفسى أرى وأسمع وأتكلم
نفسى أقول أه وألاقى ميت إيد تطبطب
أجرى وسط المطر وعالسحاب أسلم
من غير ما أقع ولا أتخبط...

ياريت ينفع

ياريت ينفع

ياريته كان ينفع من تانى وليك أرجع
ياريته كان ينفع
 هتبكى عنيك أو تدمع شوف غيرى ليك يسمع
 ياريته كان ينفع
 خلاص مبقاش بإيدينا تشوفنا من تانى عنينا
حجات راحت ومش جايه لا بإديك ولا إديه
ياريت العمر كان يرجع
 ياريته كان ينفع
لا من تانى هناديك ولا إنته هتسمع ليه
بعد إيه منا كنت فى إيديك وكنت إنته فى إيديه
 لو ندمنا هيرجعنا كنت أندم عليك سنين
 ولو دموعنا هتصبرنا ونرضا بنصيبنا وقدرنا
كان دمعى جرحلى العين
 ياريته كان ينفع
 كنت على جرحى هدوس
ده أنا نفسى أشوفنى فى عينك
ياريته كان ينفع تتبدل النفوس
ده إللى فرق بينا
أكبر من إللى كان بينى وبينك
 ياريته كان ينفع
 كان إيه بس هيمنع أحضن عنيك لو ليله
 ياريته كان ينفع
 ده إللى لسه باقى لنا ذكريات كانت جميله
 ياريته كان ينفع
**********************

جوايا حـُـب وخير

جوايا حب وخير

جوايا حب وخيرر وحجات تانيه كتير
وقلبى ماليه إحساس طير ونفسه يطير
جناحى مكسور وضعيف والظلم فى كل مكان
برسم صوره لخيال وطيف ومعلقها عالحيطان

عانيت عشان أحبابى وبكل سزاجه إتخدعت
ومشيت فى سكة عذابى وبالجراح رجعت
جوايا إحساس برىء وإحساسى باينه زمب
أخلصت للحبيب والصديق فى زمان مفيهوش حب

بنحب ناس ونديها قلوبنا الخضره البريئه
وهما يأسو عليها وللأسوى ألف طريقه

أغير من مبادئى ولا أبقى حد تانى
ولو إنتى يا دنيا هتكافئى هرويكى بحنانى
بس إنتى دايما معانده وكل إللى علينا نرضى
تدينا ليه الأشواك وإنتى إللى تاخدى الورده

إنا حبى ليكى شمس نورها دايما يدفى
وكلامك كله همس لا يداوى ولا يشفى

حنى بقى عالطيبين خلينا نعيش فى سلام
ممكن يفرح الحزين وترجع دنيا الأحلاااام.

لمسة خدودك

المره إللى فيها لمسة خدودك ولعبة فى صوابعك
كانت دى النهايه والغدر كان طابعك
جرينا ولعبنا وفى الأخر تعبنا وبعتى مشاعرك
أكلتك بإيدى وشديتى إيدى شديتلك فى شعرك
قال إيه بهزر وإنتى زعلتى أصلا إنكسفتى
وأنا فرحة لما نمتى على كتفى
فاكره الشوارع وشكل البيوت
أقولك فى حبك قتيل وضايع تنكسفى موت
عليتى بعلامى وفرحتى بكلامى حتى سكوتى ياما إتمنتيه
إنهارده إنتى بعتى ورفضتى تردى مع إنك سمعتى
وحتى موتى فرحتى فيه
و أصحابك إللى كانو إخواتى محدش نجدنى ووصل دموعى
وأنا بين همومى بصرخ وأهاتى نارررر بين ضلوعى
أنا إنهارده ماليش أى ماضى علشان إللى بينا راح عالفاضى
مش هلومك ولا أعتبك لكن ده حقك ولازم تأخديه
بحييى جنابك وأعظم سعادتك وأقدم فروض الطاعه
بس عادى قولى الحب بعتيه والماضى نسيتيه
مش لازم تعلقى خيانتك على 300 شماعه
ده إنتى طلعتى بجد لعيبه عرفتى تخونينى من غير أى عيبه
ولسه زى مانتى ملاك فى النهار ملاك فى الليل
بعتى وخنتى حبى اللى صار وقلبى العليل..

كلام مش مفهوم

كلام مش مفهوم

عمال أكتب شعر وكل يوم أغنيه
بس مين بيقرا مين بيحس بيا
كلام مش مفهوم وأهى بتمُر لياليه
بس الهموم بالكوم وده وصف حياتى الحاليه
... إنسان بيضحك وزى الفل وعيشته هنيه
وده رأى إللى شايفنى بس مايعرفش إيه فيا
قلب مبقاش فيه حب ودى أخرت التضحيه
وقلب عايشها لعب بين غدر على أنانيه
تشوفو تقول ملاك وجواه رساله للإنسانيه
لكن تعرف خيانتو تبكى ده أجاد التمسيليه
يقابلنى ولا همو وأشوفو أتمنى الأرض تنشق بيا
متعرفش ليه كسر قلبى ومهمهوش دموع عينيه
ياترى ده نقص كان عندو ولا درس ومكتوب عليه
بنيت قصور فوق السحاب ولونتها بألوان وهميه
وإديته حياتى شكلها بالعذاب وإدانى ميت جرح هديه
حلفلى ياما هيصونى ومش هيعيش بعديا
مكنتش أعرف إنو بخيانته هيقتلنى ومفيش لقلبى ديه
قلبى ههه مبقاش هنا وقف الطريق تحتيا
وأنا مبقيتش أنا هدور فى الناس عليا
ولو حد شافنى يعرفنى ودى أمانه ومسؤليه
مبقيتش شايف ضحكتى ولا دفيانه إيديه
محدش يدمع بقى بقيت أخاف من الحنيه
إدينى جرح وشقى وزودى الأسيه
بس ياترى يا دنيا هتفرحى ده لا حول ولا قوه ليا
اه لو فى يوم تنادينى وتطبطبى شويه
وتمسحى دمعة عينى وتحايلى فيا
إشمعنا أنا يعنى ما غيرى غرقان فى الأحلام الورديه
ولااا عندك ظروف تمنعنى والأحزان أحد الحلول الأصليه
أنا راضى وعادى وقولت أتكلم بطريقه وديه
لكن لو إنتى مش راضيه خلاص أهم حاجه تبقى مرضيه
أنا أحلامى بسيطه أوى بس مش هتفرق هيا هيا
وياستى ملعون أبو الضحكه وأحزانى خليها من الحلول النهائيه

**************************

إيه غيرك ؟!

إيه غيرك من نحيتى
خلاكى تنسى حنيتى
نفس المشاعر هيا هيا
نفس الحب نفس الحنيه
نفس إحساسى بتاع زمان لسه بحسهُ ليكى
لسه فى قلبى الحنان
متكدبيش عينك مفيش بينا مسافات
فيه إيه أقوى من إللى بينى وبينك
متقوليش الحب مات

حرام تنسينى وأنا فاكرك
حرام تشيلينى من قلبك
إيه خلا إللى بينا يموت
بنادى ومش بسمعلك صوت
جاوبينى أو حتى قولى لحد يوصلى
ياريت تشوفى إيه حالى وإيه بعدك بيحصلى
سنين مع بعضنا عايشين
وجايه تهدى أحلامنا فى غمضة عين
حرام عليكى أيامى وإزاى تخلينى زكرى
فى بعدى هتعرفى تنامى ؟ هتقوى إزاى على بكره ؟؟؟

هسيبلك زكرياتى هسيبلك عمرى وحياتى
وهدعيلك بأحلى دعُاء
وعيشى وقابلى ناس تانيه
ودوقى معاهم طعم الدنيا
وإن كان حبك ليا شىء
كان حبى ليكى  أجمل الأشيااااااااااااااء...

هدايا إيه !!

بعتالى عشان أخد الهدايا والصور
وقالتلى خلاص  كل إللى بينا إنكسر
وجهز حجاتى وكل شىء
وخلاص مبقيتش فى حياتى وكمل لواحدك الطريق
مصدوم بجد فيكى ونهاية الحب تبقى على إيديكى
كل الغدر ده أشوفه منك كل الجرح ده ألاقيه فى حضنك
هدايا إيه وصور إيه !
هوه ده العهد إللى إتعاهدنا عليه
هوه ده المصحف إللى فى يوم حلفنا بيه
خايفه يعنى أقول للناس دى كانت حبيبتى وبتهادينى
طيب مش خايفه نتقابل وعينك تيجى فى عينى
أنا إتخدعت حقيقى فيكى وبلوم نفسى وغبائى
كان حبى  بزياده وشوق لعنيكى وأديكى قتلتى إشتياقى
النهايه مفيش نهايه مفيش وداع
والحكايا مهيش حكايا ده عمرر وضاع
مفيش كلمه إتقالت
سيبنا بعض زى كل مره وإستنيتك تكلمينى بعد يوم ولا إتنين
وفات إسبوع وأنا قلقان ومن حيرتى موجوع
وجه العيد وقولت هتكلمنى وتعيد عليه أكيد
وفات العيد وفات شهرين
وأنا فى عذابى مستغرب هيا بتبعد وأنا بتقرب
بموت من حبى ليها وهيا فرحانه عشان إتخطبت
عايزه إيه منى برافو عليكى جرحك علمنى
بس الجرح هيعلمنى إيه
منا مش هقدر أحب تانى وممكن أحب مين عالم
بس إزاى الطيب يتحول أنانى
إزاى الملاك يبقى جانى
فاكره زمان قولتيلى ياريت تراعى ربنا فيا
وكنت براعى
وكنتى خايفه لأكون بلعب بيكى
وقولتيلى كما تدين تـُـدان
أدينى إنهارده بنجرح بإيديكى ومن قلبك بتخان
هدايا إيه
ده أنا إديتك حب كنتى بتتحسدى عليه
هدايا إيه وصور إيه
بقى هوه ده إللى همك  ده إللى شاغل فكرك
ياه للدرجادى الغدر بقى شىء عادى
عايزه إيه
شوية هدايا أقولك إرميهم فى أى مكان
مبقيتش تفرق معايا ومش عايز أفتكر زمان
بس لو إنتى مصممه هاتيلى مع الهدايا حجات
هاتيلى حقى بالكامل من أول يوم عرفتك فيه
إحييى قلب من ظلمك وغدرك مااات
رجعى عمررر وشباااب كنتى بتـُـملكيه
هاتيلى معاكى سنين عيشتهملك يوم بيوم
هاتيلى دموع عين مانشفتش ولاى يوم
هاتيلى حجات إتنازلت عنها عشان أرضيكى
هاتيلى الماضى إللى فات والحب إللى إنداس برجليكى
هاتيلى وهاتيلى وهاتيلى
خلينى ساكت أحسن وياريت متمشيش فى طريق أنا بمشى فيه
كل إللى عايزه منك تقوليلى عملتى كده ليه ؟
يللا معدش يفيد الجرح إبتدى من العيد للعيد
غدرك وظلمك وأسوتك هما دول الحقيقه
كانو مش باينين ورا الملامح البريئه
عمرى عليكى عدى وإنتهى وفااااااااااات
عمرى عليكى عدى وإنتهى وفااااااااااات
كل إللى كان رابطنى بيكى مايلزمنيش
مش عايز أشوف وشك ولا أفتكر ظلمك وغشك
وبيكى من غيرك هعيش
وياريت فى دور الملاك ده ماتكمليش
أصلهم قالو زمان إللى إختشى مااااااااااااات
أصلهم قالو زمان إللى إختشى مااااااااااااات
**************

نفسى أحسبها بعقلى

نفسى أحسبها بعقلى وأتعلم أدوس على قلبى
طب جاى منين الإختلاف قلبى بيعاند عقلى
واحد أعمى والتانى عمره ما شاف
الفرق بينهم بسيط بس إللى يمشى ورا قلبو أكيد عبيط
لو عقلى هيحسبها واحد+واحد يساوى إتنين
أما لو بحسبة قلبى واحد+واحد يساوى سنين
وفيه واحد مبيحسش وشايل طباع البنى أدمين
والواحد التانى طبعا أنانى وعايش بوشين
ولما نحسبها بورقه وقلم
شوية سطور وسنين بتدور
ولازما وحكما هييجى عليك الدور
وتدوق من الألم
ليلك صباح وصــُــبحك جراح وحتى إللى راح
ملعون أبوه إبن ستين فى سبعين
مفيش أى لازمه وعقلك فى أزمه
وقلبك مضروب بمية جزمه وجزمه
وحتى إللى باقى مربوط فى سواقى وبيجرى فى الطين
ملكش كيان مقضيها تخبيط
وعايش فى زمان الطيب عبيط
ياعم إنته مالك متخليك فى حالك
بـُص لنفسك فى مرايه خلاص السماجه وسيله وغايه
والله ده إنته فيك عيوب السنين
ياناس إرحمونا طهقطو دين أبونا ياتمشو بمبدأ
يا تمشو مكتومين
العقل إيه والقلب إيه
هيا المعادله بسيطه وعادله
ماناس فينا عايشه بس بقلوب وضايعه وتايهه منها العقول
وناس فيها عقل يملى الجيوب وجاحده وعاميه وفيها قلوب
عديمة المفعول