قلوب الناس: 2011

الاثنين، 19 ديسمبر 2011

الخميس، 1 ديسمبر 2011

بكره نتقابل هتلائى جرحى إتداوى وهلائيك مجروح
مهى الدنيا دواره وإللى فى قلبه عذاب مع الأيام هيروح
بكره نتقابل وهتفتكرنى من نظرة عينيه
بكره نتقابل يا ظالمنى وجانى عليه
إيه بيغير البنى أدمين إيه بيموت الحنين
إيه بيخلى الملاك يتحول والدنيا تتملى شياطين
جرحك علم وقلبى إتعلم
وكل شىء هيكون بحساب
إشرب دوق مر العذاب
وتعالى وقولى رأيك إيه وإحكيلى وإتكلم

مهما هشوف فيك دموع
دموعك هتريح قلبى
وتعيش بجرحك موجوع
وربنا هيخلص ذمبى
لازم تشرب من إللى أنا دوقته
والإحساس يموت جواك
منتا رضيت على قلبى ذله
وإتحملت عذابى معاك
إمشى وعيش فى الدنيا وشوف
وجرب مره تحس الخوف
وأنا هفرح علشان تستاهل وأنا هفرح علشان تستاهل
بكره نتقابل بكره نتقابل

الجمعة، 25 نوفمبر 2011

قربى منى

قربى منى

أنا معاكى مش هفكر خلاص فى إللى باعنى زمان
أنا معاكى كملت إللى ناقصنى إتغير طعم الأيام
أنا معاكى لقيت روحى إللى راحت معا الأحزان
أنا معاكى حبيت عمرى من تانى فتحت ذراعى للأحلام
قربى من وإحضنينى خلاص ماتسيبينيش
عن حجات كتير عوضينى وأنا هحلف عشانك هعيش
أنا بين إيديكى إنهارده هكتب وأسطر حياتى
بإللى ربنا كتبه ليا هرضى وهدفن ماضيا وزكرياتى
نظرة عنيكى جنتي ولمسة إيديكى فرحتى
حضنك ده هوه أكيد دنيتى
قربى منى وإحضنينى خلاص ماتسيبينيش
عن حجات كتير عوضينى وأنا هحلف عشانك هعيش

الحب ده جديد عليا وإللى فات كنت بوهم بيه عينيه
ده إيه ده إللى شايفاه عينيه ملاك مش بشرر
إنتى حاجه موجوده فى الخيال وكل إللى شافك ياما قال وقال
إنتى واحده بعيده عن الناس إنتى ممكن تبقى القمرررر

أنا بجد فرحان بإللى أنا وصلت ليه
لقيت جمبك أمان وكل شىء قبلك ندمان عليه
ياريتنى عرفتك من زمان وقلبك روحى تجرى عليه
خدينى جوه حضنك خلينى أنسى وقتى
قلبى عايز يقولك إنتى روحى وحبيبتى
وإنك ليه إمتلكتى
وإنتى الحلم إللى غاب عن بالى
وإنتى إللى بقيتى عشانى
ومن النهارده مكتوبالى
وخلاص لو دموع فرح ياعينى متدمعيش
قربى منى وإحضنينى خلاص ماتسيبينيش
عن حجات كتير عوضينى وأنا هحلف عشانك هعيش

i love you
4
ever

الثلاثاء، 22 نوفمبر 2011

جرحت فيا

إنتهت حكايتك وحكايتى
لكن النهايه كانت نهايتى
إخترت إنته الطريق ومكنش فيه معاك
كنت بموت بالبطيىء لما أفتكر هواك
جرحت فيا إسيت عليه وعدت سنه
خدعت قلبى وبعت حبى والمظلوم هوه أنا
وبعد طول الفتره مش عارف كان ذمبى ايه
عيشنا عالحلوه والمره فى النهايه تسيبنى ليه
جرحت فيا إسيت عليه وعدت سنه
خدعت قلبى وبعت حبى والمظلوم هوه أنا

والسنين إللى عيشنا فيها وإنته بتقول ناسيها
مش فاكر حتى يوم ؟
إنته بجد مالك معرفش فيه إيه جرالك
خلى الضمير معدوم
ضيعت منى عمرى وسنين وأحلى شباب
خلتنى أمشى وقلبى تايه من العذاب
حرام عليك عشرتنا حرام عليك حبنا

جرحت فيا إسيت عليا وعدت سنه
خدعت قلبى وبعت حبى والمظلوم هوه أنا

كنت فى عينى ملاك وشايفك فى السما
إيه إتغير جواك وبقيت بالشكل ده
كنت فى عينى ملاك وشايفك فى السما
إيه إتغير جواك وبقيت بالشكل ده
مين قواك عليا خلاك تنسى الغرام
خلاك تنسى عينيه وتنسى أحلى كلام
قلبى بجد حزين عارف ومبيدعيش عليك
ومبتنمش العين خايف أشوف عينيك
لما تقابلنى فى سكه تعمل متعرفنيش
يارب متكتبها عليه وإزاى سعتها هعيش

قلبى المجروح هسيبه يمكن يحس بعيبه
والطيبه الزايده فيه
هلاقى اللى يقدره بعد مانته نويت تخسره
بكره هتندم عليه
وترجع ومفيش رجوع ومش هتفيد الدموع
خلاص مش هتهمنا
خلاص مش هتهمنا

جرحت فيا إسيت عليا وعدت سنه
خدعت قلبى وبعت حبى والمظلوم هوه أنا

الاثنين، 21 نوفمبر 2011

وإيه يعنى

وإيه يعنى

وإيه يعنى مدام راجع دموع بدموع
صحيح الجرح ده بيقتل وهتحمل وأعيش موجوع
وإيه يعنى جراح تيجى وبكره تروح
مدام السكه مفتوحه ولو خطاوينا مجروحه
أكيد فيه رجوع

وطو ل ما العمر بيعدى همسح دمعتى بيدى
هشيل الحزن من قلبى وهنسى الخوف
هلاقى الضى فى نهايتى
وهبقى النجم فى حكايتى وبكره نشوف

حبيت وقلبى إنظلم وحسيت بطعم الألم
وشربت من العذاب
دفعت تمن الوعود ومالقيتش شىء موجود
وبكره هرد الحساب

وطول ما الحياه ماشيه راضى أنا وماشى
لو حتى من غير معنى بردو هقول ماشى
لا هقول يارب إشمعنا ولا حقى ليه مجاشى
هسامح وهطوى الصفحه وبكره تفوت الرحله
ولكل حد جرحنى هقوله
أنا مش جارح

الخميس، 13 أكتوبر 2011

حررررررررررررررررام

حرررررررررررررررررام

حرام أجمل سنين عمرى تضيع
حرام
إللى إشتريته بعمرى يبيع
حرام
تبكى عينيا وعينيه عايشه الحياه ربيع
حرام
أبكى على نفسى وأشيل كل الهموم
حرام
تسهر عينيه وعينيه تتعب من النوم
حرام
أصعب على الغريب وما أصعبش عليه فى يوم
حرام
يزيد عذابى ويقتلنى وأعيش أحزان
حرام
يدفن شبابى ويحرمنى أدوق لذة الأيام
حرام
يموت فيا إحساسى وأعيش بلا إحساس
حرام
يكون أغلى ناسى ويشمت فيا كل الناس
حرام
يأسى عليه ويرمينى ويقولى إنتهت وخلاص
حرام
إديته كل ما عندى روحى ومشاعرى وحبى
إديته حجات كتير وأخرتها داس على قلبى
وبقى هيا دى أخرتها والحكايه خلاص نهيتها
بس النهايه كنا رسمينها سوا
بس النهايه مش عذاب مالهوش دوا
النهايه كانت حب وبيت وعيله
مش يضيع عمر ويضيع قلب فى يوم وليله
النهايه كانت فرح كانت زفه وطرحه
عمرها ماكانت جرح أو إنك تكونى جارحه
أنا أسف على عتابى أسف على كل الكلام
بس أحب أهنيكى على عذابى وكفايا كلمة
حرررررررررررررررام

الخميس، 6 أكتوبر 2011

كان مستحيل

كان مستحيل
إنهارده بس عرفت خلاص إنك مش ليا
والحب مات وكل إللى فات كنت بتضحك عليا
مشاعرك كدابه وعيونك كدابه وإنته أكبر كداب
حبك كان غلطة عمرى كان حمل بيئطم ضهرى
كان مالينى عذاب
كان مستحيل يحصل كده والحب يموت بالساهل أوى
وأنادى متلبيش الندااا مجررررروح منك أوووووى
حرام غدرك كاسرنى ظلمك معلم فيا
وإزاى بتقوول أعذرنى وأنسى دموع عينيه
ده إنته عملت حجات مكانتش تخطرر فى بالى
ونسيت كل إللى فات وهديت كل أحلامى
الخاين فى حياتى مالهوش مكان
لا إنهارده هسيبو يرجع ولا هعيد غلطة زمان
إمشى وإنسى إللى كان بينا خلاص مبقاش فى شىء يربطنا

الجمعة، 30 سبتمبر 2011

العلاقة الناجحة مثل العلاقه بين العين واليد :

إذا تألمت اليد ،،،دمعت العين♥

واذا دمعت العين ،،، مسحتها اليد♥

السبت، 10 سبتمبر 2011

قصيدة نصدق مين ( معا للوقوف ضد الفتنه الطائفيه )

نصدق مين

مش عارفين نصدق مين
إخوان ولا سلفيين
هوه إحنا إيه يا عالم
مش بردو مسلمين
بتطالبو بوحدة معا المسيحيين
طب طالبو بوحدة بين المسلمين
بنقول هنتغيروهنحب بعضنا
وإحنا زى محنا ومش فارقه عندنا
طريق الصح شمال ولا يمين
كتر الكلام وزهقنا وفى الأخر مش فاهمين
مش عارفين نصدق مين
إتلخبطنا بجد وتاهت فى السكه خطاوينا
نمشى ورا عالم ويطلع جاهل طب ليه نغمى عنينا
وإتخبطنا فى بعض والملامح من الوشوش ضاعت
واللى نحبه يبقى علينا واللى نسيبو يبقى معانا
والله بجد ساحت
فتنونا وغمو عقلنا
خلونا نشك فى نفسنا
مين بيخاف علينا ومين هيبقى ضدنا
ده لو مكناش إيد واحده قويه
هيقوو من ضعفنا
حتى إسألو فرعون حكم القلوب بجنون
وكان ضعيف وجبان وأضعف واحد فى الكون
تعبت قلوبنا حقيقى والوقت عدى وفات
مسلم ايه ومسيحى كفايا بقى حكايات
عاوز حد يجاوبنى مش إحنا فى الإسلام إخوات
إزاى معقول أحارب أخويا فى الإسلام
ومينفعش بردو أحارب مسيحى علشان حرام
مهو دينا وصانا عليهم
ونبينا قالنا نحميهم
وبعد الدين والرسول مفيش تانى كلام......

السبت، 27 أغسطس 2011

صفحه جديده ( دعوه لتغيير القلوب وحب الناس)

صفحه جديده

هنفتح صفحه جديده وهنملى بلدنا خير
هنكون ضد الفساد وشباب مع التغيير
بنحب بلدنا بجد وشايلين جوانا حب
وقفت حياتنا ياما وفات من العمر كتير
نسينا الإبتسامه ونسينا نحب الغير
عشقت عيونا دموع وقلوب بتصرخ ألم
كان الطريق له رجوع ونقول يفيد بإيه الندم
شيطان وساق فينا لحد ما كرهناه
تاهت خطاوينا ومشينا العمر وراه

كان ماضى وهندوس عليه
وهنقدر على كل صعب
والجاى إحنا هنبنيه
هنبنى بكل حب

مش هظلم حد تانى ولا يوم هكون انانى
ماكفايا ظلمت نفسى وكفايا واقف فى مكانى
العمر فيه باقيه وأفراح فى حياتنا جايه
والحزن خلاص يا دنيا هدوسو برجليه
هفرح وإفرح معايا ويللا نعيشها صح
متقولش دى النهايا وهيموتنى الجرح
حكايتك زى حكايتى مكانش ليها ملامح
بس إختلفت عن نهايتى ده أنا جرحى إترد للجارح
فوض أمرك لربك لو كنت فى يوم مظلوم
وقوله يارب ساعدنى هينسيك الهموم

هات إيدك وهشدك أصلى بجد بحبك
وبجد بخاف عليك

دموعك دى تبكينى وتزود دموع عينى
إللى جارحك جارحنى علشان بحس بيك
صفحه جديده إفتحها وإكتب فيها بقلبك
وطبطب عالدنيا وسامحها خليها كمان تسامحك

لما بتلمسنى بتحسسنى إن أنا فى إيديا العالم وكل إللى ناقصنى

مهما حلمت بيك وإتخيلت فيك
الحب ده كله هيبقى قليل عليك

نفسى أفرح معاك

الأربعاء، 24 أغسطس 2011

( سهران ليالى ) أغنيه جديده من كلماتى

سهران ليالى بفكر فإللى وصلنا ليه
مش دى النهايه ومش ده الحلم إللى حلمنا بيه

كانت حكايه بتتحكى بيقولو دول أسعد إتنين
لكن النهايه غير كده ضاع حب السنين

عينى ياعينى خلاص بقى يمكن فراق أهون من لؤا
عادى الجراح عادى الدموع عادى الشقى

موجوع ياقلبى محدش حاسس ولا بيسأل
فاكر يا قلبى معاه مكنش همى بيتقل
أول ما أقول الأه يجرى عليه ويسأل
تحضن عينيه ملامحى وألمس إيديه أنسى جرحى
دلوقتى مش عارف جرحو ليا مين هيداويه

سهران ليالى بفكر فإللى وصلنا ليه
مش دى النهايه ومش ده الحلم إللى حلمنا بيه

كان نفسنا الحلم يكمل ونعيش معا بعضنا
كان حقى عليك تقدر ظروفى
كان حقى عليك تكون جمبى وتراعى خوفى

جاى دلوقتى تقوللى أنا صعب أتحمل
جاى تقوللى سامحنى ولوحدك كمل

وإزاى أكمل طريق إترسم بيك
وإزاى أكمل حياة كنت بعيشها ليك
وإزاى أغمض عينى وأنا بعيد عن عينيك
وإزاى أغمض عينى وأنا بعيد عن عينيك

السبت، 20 أغسطس 2011

الجمعة، 19 أغسطس 2011

السبت، 13 أغسطس 2011

قصيدة (تعبت) للشاعر محمد عبدالرازق

تعبت وتعبتنى جروحى
مش عارف أتلم على روحى
خايف أعيش فى الدنيا دى ضعيف
ويبقى كل همى أجيب الرغيف
شبعت كتير أحزان
وعلى خدى مية قلم
أصحى فى هم وأنام
وأصرخ من الندم
محدش حاسس بهمى وبيقولو مبيهموش
حتى إللى هما حبايبى طلعو ما بيحسوش

معشم نفسى فى أحلام عماله تطوح
ولما تضحك الأيام ضحكتها بتجرح
لا ده كتير وحرام نفسى بقى أفرح
لا ده كتير وحرام نفسى بقى أفرح

يللى إنتو من لحمى ومن دمى
خليكو جمبى وحسو بقى بهمى
عينى بتبكى دم مش بس دموع
قلبى قتيل الهم ياريته كان موجوع
بضحك ومن قلبى بتقطع
بصرخ ومين حاسس ومين يسمع

أنا مش راضى عن حالى ومش عارف أعمل إيه
انا مش عارف ايه مالى شايل كل الهموم دى ليه
مليون سؤال مالهش ولا إجابه
إللى انا عايش فيها دى دنيا ولا دى وحوش وغابه
محدش حاسس بهمى وبيقولو مبيهموش
حتى إللى هما حبايبى طلعو مبيحسوش

الخميس، 11 أغسطس 2011

شايفك مصدق نفسك

الأربعاء، 10 أغسطس 2011

( قصاد عينى ) عمرو دياب

الثلاثاء، 9 أغسطس 2011

قلوب الناس

معدش الحب بيصالح قلوب الناس

الاثنين، 8 أغسطس 2011

"الاتصالات": موبينيل فقدت 304 ألف مشترك بسبب حملة المقاطعة

فقدت الشركة المصرية لخدمات التليفون المحمول موبينيل، ما يقرب من 304ألف مشترك منذ بدأت حملات مقاطعتها، حيث انخفض عدد مشتركيها إلى 29.8 مليون بعدما كان 30.18 بمارس الماضى، وذلك طبقا لمؤشرات صادرة عن وزارة الاتصالات وتكنولوجيا المعلومات.

وأشار تقرير الوزارة الذى نشر على موقعها الإليكترونى، إلى ارتفاع عدد مشتركى فودافون مصر إلى 32.9 مليون ثم اتصالات 30.9 مليون، من أصل 74.7 مليون مشترك.

وكان الرئيس التنفيذى لشركة موبينيل حسان قبانى، أكد الأسبوع الماضى أن عدد العملاء المنتقلين بنفس أرقامهم من موبينيل إلى الشبكات الأخرى، لم يتخطى حاجز المليون عميل، متهما شركات منافسه بعمل حملات دعاية سياسية ودينية للاستحواذ على مشتركى موبينيل.